أهداني عزيزي عبد الرحمن الديب تاج ..قبل ما أجاوب في حاجتين..
المفروض أكتب 10 حاجات عن نفسي ودا فعلا كتير قوي ومش لاقي حاجة أقولها..ربنا يسهل..التاني والأهم..إيه اللي يخلي أي حد يقرا عني 10 حاجات ..إيه المتعة في كدا؟؟إيه الدافع؟؟ ..المهم 10 حاجات..:
لو هتكلم عن نفسي لازم اقول ان في شخصيات غيرت مسار حياتي أهمهم اخويا حبيبي ادهم..وفي السعودية اتنين مدرسين ليا "مفرح وسليمان"..ودكتور دانييل الدكتور المشرف عليا في النمسا..
بحمد ربنا إنه قدر إنهم يبقوا في حياتي وبشكرهم..
أمرر التاج لـ
أحمد هشام.. "بلدك يا رأفت"
"خبيب "
أدهم.. "من أدهم عن أن شيء"..
ـ
المفروض أكتب 10 حاجات عن نفسي ودا فعلا كتير قوي ومش لاقي حاجة أقولها..ربنا يسهل..التاني والأهم..إيه اللي يخلي أي حد يقرا عني 10 حاجات ..إيه المتعة في كدا؟؟إيه الدافع؟؟ ..المهم 10 حاجات..:
1
مسلم بحاول أكون متدين ..في صعود وهبوط ..لكني بشكل عام إنسان محترم وكويس..2
الحمد لله سافرت كتير قوي قوي والسفر هو مفتاح الخبرة لان فيه تجارب ومواقف كتير عشان كدا اعتقد إني وصلت درجة كافية من النضج تؤهلني إني آخد أي قرارا في حياتي مهما كان كبير..3
جربت كل حاجة تقريبا ممكن أي شاب يجربها او ع الاقل كان بامكاني وعشت والحمد لله أي عيشة ممكن واحد يعيشها..قمة الرفاهية في أيام ..بهدلة وشحططة وإن كانت أرحم من غيري بس اتبهدلت بما في الكفاية إني أعرف إن مفيش مشكلة إني اتبهدل تاني ومفيش ميزة اني الاقي رفاهية تاني وبالتالي مبقتش فارقة عندي أي حاجة بهدلة رفاهية ..كله محصل بعضه النتيجة إني قاعد على كرسي في بيتنا بكتب البوست دا..4
مؤمن بنظرية الأستك.. باختصار كل واحد حولين ايده أستك كل ما تحصل حاجة حلوة في حياته يتشد الاستك سنة ..وهكذا ..كل ما تحصل حاجات حلوة اكتر كل ما الاستك يتشد اكتر وفي الاخر لما يفلت الاستك يلسع ..وطبعا كل ما اتشد اكتر كل ما كانت اللسعة اشد واشد..عشان كدا لما احس ان حياتي سعيدة مبفرحش قوي لاني عارف ان الاستك بيتشد ..ولما بتلسع مبزعلش لاني عارف انها لسعة طبيعية وهتعدي..بس :)5
للاسف رخم وبارد ومش متواضع منغلق شوية ومش متعاطف مع حد.. ساعات ساخر ومنتقد ..بس محترم الحمد لله وبعامل الناس كويس ..عزائي ..إن الأمة الإسلامية أكيد هتحتاج حد بالمواصفات دي عشان يعمل حاجات الناس الكويسة مش هتعملها لانها مش عايزة او متقدرش المهم..امثالي اكيد اتخلقوا لحكمة .. وعلى رأي اللي قال"الرجال العظماء ..غالبا ما يكونوا رجالا سيئين".. :)6
نفسي أتخصص في الطب الشرعي ..وأعمل بانجي جمب وسكاي دايفينج.. وأركب أستون مارتن ب د 9.. وأعمل فيلم إسلامي يكون صورة صحيحة دعوية عن الإسلام ويكون قدوة للأطفال..ونفسي لما اموت أموت وأنا واقف على رجلي بكامل قوتي ..وأبص للسما وأبتسم قبل ما أموت ..اموت وانا بدافع عن الاسلام باي طريقة..7
مبحبش حاجة بشدة ومبكرهش حاجة بشدة..باحاول اتاقلم ..ومبحبش أتكلم مع حد عن الحاجات اللي بحبها أو بكرهها ﻷن دا بيزود الاحساس بيها ايجابا او سلبا..بس بكره الكلام الطويل عن اي موضوع واللي بيتكلموا كتير عن اي موضوع..مهما كان مهم..بحب اختصار الحوار في اقل عدد ممكن من الكلمات..يتكلم زي ماهو عايز بس من غير زيادات ملهاش لازمة..لما بعمل كدا ..الناس بتحسب اني شايف نفسي عليهم..او مغرور..تنك..بس انا مش كدا ...أتمنى8
بحب القراية "أي حد في مصر بيقول كدا :)" فعلا بحب القراية,بحب الشطرنج والبلياردو,بلعب ملاكمة....بحب السفر....ومقتنع إن اللي ما سافرش ..لا شاف ولا عرف9
أجلت فكرة الجواز 15..20 سنة قدام ..دا لو اتجوزت..مش عارف.. في عدة عوامل أولها إن الجواز هنا في مصر له مقدمات وروتين ممل و بقى معقد بطريقة غير عادية..وبصراحة مش لاقي بنت حلوة ودماغها نضيفة ومتدينة في نفس الوقت ..عارف إن في كتير بس أنا لسه مقابلتش :) اخر سبب بقى إني لغاية دلوقتي بجد مش عارف أي واحدة ممكن تتجوز واحد زيي ليه ؟؟ .. 10
لو هتكلم عن نفسي لازم اقول ان في شخصيات غيرت مسار حياتي أهمهم اخويا حبيبي ادهم..وفي السعودية اتنين مدرسين ليا "مفرح وسليمان"..ودكتور دانييل الدكتور المشرف عليا في النمسا..
بحمد ربنا إنه قدر إنهم يبقوا في حياتي وبشكرهم..
تحديث : يا جماعة اللي يقرا التاج مينساش لو سمحتم إن في بوست نازل معاه "الأنا" أهم من التاج
ميرو..:)أمرر التاج لـ
أحمد هشام.. "بلدك يا رأفت"
"خبيب "
أدهم.. "من أدهم عن أن شيء"..
ـ