كل سنة وانتم طيبين ...
العيد دا مش طبيعي .... بالنسبالي طبعا ... :)
مممممممم
ممكن يكون أكتر عيد فرحت ولسه فرحان بيه ؟؟؟
ممكن آه بيتهيالي..
ليه ؟؟
لأني سمحت لنفسي من فترة كدا أغير كتير من الأساسيات والأساليب الحياتية إن شاء الله تكون للأفضل..
أول مرة من كذا سنة أضحك لطفلة وأهزر معاها بدل نظرة التناحة اللي بتصرخ لأي حد بيبصلي "عايز إيه !! أول مرة تشوف بني آدمين ؟؟؟ "..
هو دا مظهر من مظاهر التغيير اللي كان هيبقى جذري لولا إني رحت أدفع النت فقلت للسكيورتي اللي هناك " فين الحمام ؟؟" قاللي " ليه ؟؟" وهنا قلت تبا لكم سائر اليوم وكنت على وشك ارجع انيل مما كنت ... يعني إيه "ليه ؟؟ " هكون بسأل ع الحمام ليه ؟؟؟ عايز أمسحهولك مثلا...!! بجد فضلت مش عارف أقول ايه !! أنا آسف معنديش مبرر منطقي مقنع غير إني محتاج أخش الحمام ينفع ؟؟؟
المهم إن الفترة دي تزامنت مع تطورات كتير في حياتي ملخصها إني معدش ينفع يبقى عندي 22 سنة... حياتي بقت أضخم من كدا وفيها مسؤوليات أكتر فلازم أتعامل على هذا الأساس مش بس على أساس أفكاري أو زي ما أدهم بيسميها "ضلالات"...
كل دا ادى للعيد دا طعم تاني ... بالاضافة لحاجات تانية في دائرتي الخاصة ;) "راجع البوست الأخير"..
لذلك أنا فرحااااااااان جدا ... بحب الناس كلهم ... مسامح أي حد عمل فيا أي حاجة "عارف نبيل هيقول ايه :D "...
كفاية رغي .........
كل سنة وأنتم طيبين أشوفكم بعد العيد إن شاء الله ...يا ريت لو كنت مقرتش البوست اللي فات تبقى تعدي عليه .... :)
هناك ١٨ تعليقًا:
ايه الفرحه اللى بتنط م البوست دى
كل سنه وانت فرحان
كل سنه وانت مارات
وعيد سعيد
ويارب ع طول مغير للاحسن واللى يرضيك
كل سنة وانت طيب يا صديقى
العيد ده برضه أنا فرحان فيه جدا
عارف ليه ؟؟
لأنى كسبت إصحاب حلوين أوى زيك ...
يارب دايما نحب بعض فى الخير
تحياتى
ياسيدي يا سيدي
دا عمر هيفرح اوي يا مراد علي فكره
هههههههههه
كل سنه وانت طيب ياباشا بس لو عاوز بقه تتغير يبقي مافيش غير حل واحد
تركب خيل من اللي تحت بيتكوا
كل سنة وانت طيب يا جميل
يارب دايما بتحب الناس كلها
ويارب دايما تبتسم للاطفال وللبشر كلهم
دحكتك حلوة ليه لا
عيد سعيد
كل سنة ومرات هو اللي بنشوفه ويعاملنا
انا حبيته من المدونة التانية
عيدك سعيد
ههههه
كلام جميل والله بجد اسعدنى كلامك جدا .. جميل انك تفرح بنفسك وبانجاز عملته وبفرحك لصبرك على تغير حاجات فى نفسك ودى صعبه جدا مش سهله ..
ما شاء الله عليك ربنا يوفقك ويسعدك اكتر ان شاء الله ..
كل سنة وانت طيب مراد
اول بوست عن العيد اقراه واحس فعلا بالفرحة فيه
ادام الله عليك الفرحة
اولاً
كل سنه وانتا طيب يا دكتور عيد سعيد جداً
ثانياً
وعموماً الجميل جداً حبك للناس وحبهم ليك قمه السعاده ان تحظى بالحب
كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات
كل سنة و انت طيب .. عيد سعيد .
يا رب دايما يجعل ايامك كلها فرحة و سعادة و حب للناس و حب للخير .
كل سنة و انت محقق كل امانيك و راضى عن نفسك .
كل سنة وانت فى افضل و احسن حال .
تحياتى ... سلاااام
كل سنة وانت طيب
و يا رب دايماً كل عيد يبقى اسعد من اللي قبله
اعذرني قريت البوست اللي فات عشان افهم اللي قولت عليه
بس يظهر إن مخي سايح اليومين دول فمفهمتش او أبى مخي ان يفهم
المهم
سعيدة ان حضرتك قدرت تتطور للأفضل
انا حاولت ومازلت بحاول و لكن بكتشف ولله الحمد اني.... ولا بلاش عشان احنا عيد
كل سنة وكلنا طيبين
عيد مبارك
هههههههههههههه
كل سنة و انت طيب يا مراد
و يا رب تكون سعيد
مش ف كل عيد بس
لا على طوووووووووووووووول
و تفكها بقى عالاطفال كلها مش الطفله دي بس
:)
عيد سعيييييييييد
لا اله الا الله. شفت اللي بتعمله في الناس بيطلع عليك يامعلم انت لسة شفت حاجة هوة انت اللي بتعمله في الناس شوية.
يا اخي سبحان الله ربك بيسلط اجتات على اجتات.
المهم صحيح دخلت الحمام في الاخر واللا ايه.
كل سنة وانت صديقي
وكل سنة وانت طيب يا عسل
كل سنة وانت طيب و سعيد كده علي طول
و كل حاجة نفسك فيها تتحقق ;)
أجدع بنوتة ..
وانت بالصحة والسلامة يا رب...
نورتي البلوج....
-------------
عبد الرحمن...
الله يخليك يا حبيب قلبي..
انا اللي سعدت بمعرفتك واضافت الي الجديد..
دمت لي صديقا...
---------------
سنبل
هههههههههههههههههههههه
كل سنة وانت وعمر بخير
----------------
نووور ..
دحكتي حلوة ؟؟؟
ههههههههههههههههههههههههه
الله يخليك.. وبرقص حواجبي حلو :) :)
دمت لي صديقا..
--------------------
قلب شاعره
الله يخليكي نورتيني وآسف على التأخير الفظيع في الرد على التعليق ...
-----------------------------
سنووايت..
شكرا ليكي ويارب نبقى كلنا فرجانين على طول ...
دمتي بخير ...
-----------------------------
Teawater
الله يكرمك...
حبهم ليا ؟؟ ههههههههههههههه خليها على الله..
نورتي
----------------------------
romansy
وانت بالصحة والسلامة كل سنة يارب ...
------------------------------
داليا..
وانت بالصحة والسلامة..
واشكرك على الدعوات الحلوة دي كلها....
:) نورتي..
-------------------------------
نعكشة
وانت بالصحة والسلامة
الله يخليكي شكرا..
واكيد مادام بتحاولي يبقى هتوصلي ان شاء الله ...
:) :)
دمتي سالمة..
---------------------------------
FreeKiller
وانتي بالصحة والسلامة...
هههههههههه هو انا بآكلهم ولا ايه ؟؟؟
نورتي...
-----------------------------------
محمد خالد..
هههههههههههههههههههههه
دا انا غلباااااااااااااااان..
كل سنة وانت طيب :) موووووواه
--------------------------------
Unique Gurl
وانتي بالصحة والسلامة يارب ....
يا رب ;)
-------------------------------
آسف على التأخير الرهيب المأساوي في الرد على التعليقات نورتوني :)
هههههههههه هو انا بآكلهم ولا ايه ؟؟؟
نورتي...
------------------------
ههههههههه
لا و الله مش القصد
و النور نورك طبعا
إرسال تعليق