الوعي بعد التطور

اغفر لي ثرثرتي مقدما ... :)
هذا البوست منقول من بلوجي التاني.. نقلته كما هو... صراحة لم أقرأه مرة أخرى.. لكني نقلته لشعوري الهائل به الآن..ستجد بعض الكلمات التي لا علاقة لها بالموضوع ولا محل لها.. ولغته العامية والغير جادة في بعض الكلمات .. سأترك لك دور الرقابة فعقلي لا يملك الآن وقودا يكفي للتعديل والتنقيح ومع ذلك أصر أن أنقله الآن :)..
لماذا الآن..؟؟؟
منذ عدة أيام تعرضت أنا وأخي أدهم وصديقي العزيز أحمد هشام لموقف على الطريق " الدائري"...فشعرت بما ستقرأه الآن بشدة وتبسمت رغم أنه ظهر من البلاهة أن أبتسم في ذلك الموقف... :D
بعدها خضت نقاشا ممتعا مع صديقي حمزة عن نفس الموضوع... شعرت بمتعة ولذة .. لذك قررت أن أنشره هنا ;)
بعد أن تقرأه أتمنى أن تقرأ تدوينة صديقي عماد " حالة " فهي تكمل الموضوع من جهة أخرى ... :)

----------------------

كنت كتبت قبل كدا في بلوجي الأساسي عن الـ"أنا" والوعي..
من شوية تخيلت إن حياة الإنسان عبارة عن طريق "بصله من فوق " والطريق دا يتعاقب فيه مجسمات كرتونية مكعبة الشكل ..بتشكل مواقف في حياة الانسان..اجزاء منها..
يعني الانسان ماشي في الطريق من اوله..هيلاقي نفسه في مجسم كرتوني يعيش فيه تجربته الدراسية..اللي بعده هيلاقي نفسه في مجسم عن زيارته لبلد من البلاد..وهكذا..
بدل ما كنت بقول ان الانسان المفروض يعيش ويستحضر الأنا وهي وعي الانسان بذاته وبكل حركاته وتفاعلاته مع المحيط..بمعنى انه يعيش بكل تركيزه واستحضاره جوا المجسم دا وكأن الكاميرا بتبص جوا الاوضه..
أعتقد اوقت مناسب للتطوير بحيث ان الكاميرا تبص من بره المجسم .. يعني تبص من فوق وبالتالي تشوف الحركات والمعطيات بطريقة اشرافية حكمية اكتر منها تفاعلية..
يعني مثلا دلوقتي اي نحلة عاملة جوا البتاعة السداسية اللي في خلية النحل..حياتها كلها بتركيزها بانفعالاتها جوه الوحدة السداسية..بينما الملكة الاكثر حكمة وبعدا للنظر واللي بتتحكم وتاخد القرار بتبص على كل الوحدات وتحدد ايه المفروض يتعمل..دي تكمل..دي تشتغل..دي تبطل.. وهكذا..بدل ما الانسان يعيش جوا المجسم الكرتوني بكل جوارحه..المفروض يبص من فوق ويحدد إذا كان المفروض يعيش فعلا جوا المجسم ولا يركب طيارة ورق ويعدي من فوقه عشان يكمل طريقه .. ؟؟
نقول مثلا أي علاقة حب الانسان بيعيشها باعتبار اننا شباب ومستوى هرموناتنا بيخلي الطبيعي اني اضرب المثل دا..
اي علاقة حب عبارة عن مجسم في الطريق..زمان كنت هقول ان الانسان يخش جوا المجسم وهو حاسس بكل جوارح الأنا ..وميسبش المحيط ياخده من تركيزه ووعيه واستحضاره..
ويعيش المتعة والشعور الجميل للأنا اللي بتوفره حالة الحب.."لاحظ ان الممتع هو حالة الانا مش الحب نفسه.." ايا كان .. دا مش موضوعنا..
دلوقتي اعتقد ان المفروض انه يبص من بره المجسم .. هيلاقي نفسه جوا المجسم مع محبوبه .. في حالة حب .. ودا هيديه فرصة انه يحرك نفسه جوا المجسم بس من غير ما يضيع نظرته الشاملة للموضوع على انه مجرد مجسم في وسط الطريق اللي هو ماشي فيه..يعني مش حياته كلها..دا جزء طارئ بيعيش فيه حالة مؤقتة ممكن تنسيه او تلهيه عن الطريق الاساسي..وهكذا مع باقي المجسمات..وبكدا هيعيش التجربة الحزينة وكمان السعيدة تحت إشراف عقلي حاضر متحفز..وبكدا عمره ما هينسى انه ماشي في طريق له نهاية.. أعتقد دا المطلوب اثباته والوصول اليه..
بيتهيالي الموضوع تشعب وتحول الى اشلاء فكرية على الطريق..
لا بأسيشن ع العموم بيتهيالي اصلا محدش هيقراه غيري...
اي لايك ذيس بوست..

تحديث : صديقي "سنبل" بدأ التدوين في مدونته " قشطة اتجوزت "... مدونة للضحك ... ;)