سعيد بالتاج دا لانه اول تاج يجيلي تكون اسئلته عن الآراء مش اسئلة شخصية ولا عني انا..باشكر عزيزي أحمد "بلدك يا رأفت" على التاج ..
بدأت تدون من امتي ؟ و دخلت العالم ده ازاي ؟
بدأته فعليا من حوالي ه شهور..واللي اقنعني اني أعمل بلوج أخويا أدهم " من أدهم عن كل شيء".. ومع إني في الاول كنت بقول هاخش اكتب لمين ؟؟
ايه كان انطباعك في البداية ؟
في البداية كنت بكتب لاصحابي وهما ما شاء الله بعدد لا بأس به في عالم التدوين..وليا صحاب كتير غيرهم بيخشوا يقروا والحمد لله فكنت سعيد وقانع بكدا..مكنتش عامل حسابي على اصحاب مدونات اخرى لغاية ما بدأت أتوغل وأتبادل الزيارات لقيت الدنيا واسعة وبحر جميل جدا من الافكار والخبرات والعقليات بس بتغاظ لما بحس انه اوسع من اني اوصل لاخره..
مين أكتر واحد بتهتم بتعليقه علي بوستك الجديد ؟
اهمممم..أدهم مع انه مبيعلقش كتير ههههههههه .. حبيبي أحمد هشام..خبيب .. وفيه ناس بس مش اصدقاء ليا .. سنووايت..غادة ورفيدة..
مين اتعرفت عليه من خلال المدونة و نفسك تتعرف عليه في الحقيقة ؟
أنا معظم زوار مدونتي اصدقاءي او معارف ع الاقل..وبشكل عام أنا مش من هواة المعارف والصداقات الجديدة..لكن هحب أتعرف على قبطان صاحب مدونة سفينة " اللينك ع الجنب " .. وكمان مدونة كاتشاب "برضه اللينك ع الجنب" .. أحترم عقليتهم جدا جدا
ايه أهم حاجة اتعلمتها من عالم التدوين ؟
أكتر حاجة..!!؟؟ أنا مليش أي احتكاك تقريبا بالبنات المصريات .كل صديقاتي فعلا من بلاد تانية والسبب الوحيد اني اتعرفت عليهم اني كنت مسافر واتصاحبنا هناك..ولعدم معرفتي باي بنت مصرية كان بالنسبالي عالم مجهول يعني في حياتي كلها مكلمتش خمس بنات مثلا في جميع الاحوال وتحت أي ظرف هههههه..وبجد فوجئت إن ما شاء الله فعلا مصر جابت..و اقول بكل سعادة ان احسن المدونات اللي بزورها مدونات بنات واني اكتشفت عقليات ممتازة ومتميزة ومدونات رائعة..واحسن 10 مدونات عندي من ضمنهم ع الاقل 6 او 7 بنات.. ودا اداني احساس بالسعادة ان الناس بخير..وان بناتنا لسه فيهم نوعيات " غير"..
ايه أكتر حاجة كرهتها ؟
للأسف كتير .. أول حاجة حسيت إن البعض بيعتبر إني كوني مدون دي ميزة في حد ذاتها واننا كدا مجموعة محصلتش واننا لازم نقف جنب بعض باعتبارنا مدونين واحسن من غيرنا..بيتهيالي التدوين وسيلة لتوصيل الآراء ممكن اي حد كويس او وحش يكتب اللي هو عايزه وكوني مدون دا مش هوية او مهنة او وظيفة..هو مجرد جزء من حياتي جنب اجزاء كتير..وكمان..في الاول لما كنت بكتب لقيت ان اكتر تعليقات كانت على اول تاج..كنت هطق..يعني اللي انا بكتبه بدماغي ملهوش لازمة..ولما ارغي مع نفسي يبقى شيء جميل والناس تقرا وتعلق؟؟..اخيرا بتغاظ لما حد يخش يقولي خش علق عندي..ويا سلام كمان لو كان مقراش البوست اللي انا كاتبه اصلا..
ممكن تدي مثال عن اللي بتحلم تلاقيه ؟
همممم .. مبحلمش بحاجة في عالم التدوين بصراحة..انا راضي عن اني بكتب وراضي عن نسبة القراء وان كنت اتمنى طبعا تزيد .. وسعيد بالمدونات اللي بزورها..لكن احب ازود انتاجي شوية :)
حاسس ان التدوين له تأثير ؟
أكيد ع الاقل حتى اتشارك الاراء او اسجل افكاري عشان متضعش وسعيد جدا بتأثير البلوج عليا حتى كمان بلوجي التاني اللي بعتبره تسجيل لكل فكرة بتعدي على دماغي مهما كانت تافهة وانا فعلا كنت محتاج دا لغزارة الانتاج العقلي بالافكار العبيطة..
طيب كلمة أخيرة ؟
أحب أشيد في الآخر بمدونات ..ودا من غير مجاملة لأن دي أمانة ولازم أكون صادق فيها.. غير طبعا مدونة أدهم و أحمد اللي قلت عليهم فوق واللينك ع الشمال.. أنصح بزيارة مدونة سنووايت الرائعة..سفينة..كاتشاب " دماغ ".. غادة ورفيدة مدونتهم بسيطة وواضحة.. نعكشة "بحس إني بتنعكش لما بخشها"..وحديثا بقيت متابع لمدونة آه وكفى لنورة الخشن .. واللينكات كلها ع اليمين :)
أوجه التاج .. لأدهم "من أدهم عن كل شيء"
أسامة أمين " شمو نشادر"
" سنووايت "
"غادة ورفيدة"
"نعكشة "
خالي نبيل " حكاوي القهاوي "
تحديث:
أو إعلان :)
صديقي العزيز أحمد جردوح أنشأ مدونة " إيجابي" وانا ليا الشرف إني أشترك فيها..إلى جانب مدونين وأصدقاء..
الدعوة مفتوحة للمشاركة بالموضوعات والتدوينات الايجابية..
واكيد للقراءة والتعليقات والآراء..
لو حبيت تشاركنا
toa7med@yahoo.com
leopordo86@yahoo.com
أي واحد فينا هيكون تحت أمرك إن شاء الله .. ميغسي بوكو :)
بدأت تدون من امتي ؟ و دخلت العالم ده ازاي ؟
بدأته فعليا من حوالي ه شهور..واللي اقنعني اني أعمل بلوج أخويا أدهم " من أدهم عن كل شيء".. ومع إني في الاول كنت بقول هاخش اكتب لمين ؟؟
ايه كان انطباعك في البداية ؟
في البداية كنت بكتب لاصحابي وهما ما شاء الله بعدد لا بأس به في عالم التدوين..وليا صحاب كتير غيرهم بيخشوا يقروا والحمد لله فكنت سعيد وقانع بكدا..مكنتش عامل حسابي على اصحاب مدونات اخرى لغاية ما بدأت أتوغل وأتبادل الزيارات لقيت الدنيا واسعة وبحر جميل جدا من الافكار والخبرات والعقليات بس بتغاظ لما بحس انه اوسع من اني اوصل لاخره..
مين أكتر واحد بتهتم بتعليقه علي بوستك الجديد ؟
اهمممم..أدهم مع انه مبيعلقش كتير ههههههههه .. حبيبي أحمد هشام..خبيب .. وفيه ناس بس مش اصدقاء ليا .. سنووايت..غادة ورفيدة..
مين اتعرفت عليه من خلال المدونة و نفسك تتعرف عليه في الحقيقة ؟
أنا معظم زوار مدونتي اصدقاءي او معارف ع الاقل..وبشكل عام أنا مش من هواة المعارف والصداقات الجديدة..لكن هحب أتعرف على قبطان صاحب مدونة سفينة " اللينك ع الجنب " .. وكمان مدونة كاتشاب "برضه اللينك ع الجنب" .. أحترم عقليتهم جدا جدا
ايه أهم حاجة اتعلمتها من عالم التدوين ؟
أكتر حاجة..!!؟؟ أنا مليش أي احتكاك تقريبا بالبنات المصريات .كل صديقاتي فعلا من بلاد تانية والسبب الوحيد اني اتعرفت عليهم اني كنت مسافر واتصاحبنا هناك..ولعدم معرفتي باي بنت مصرية كان بالنسبالي عالم مجهول يعني في حياتي كلها مكلمتش خمس بنات مثلا في جميع الاحوال وتحت أي ظرف هههههه..وبجد فوجئت إن ما شاء الله فعلا مصر جابت..و اقول بكل سعادة ان احسن المدونات اللي بزورها مدونات بنات واني اكتشفت عقليات ممتازة ومتميزة ومدونات رائعة..واحسن 10 مدونات عندي من ضمنهم ع الاقل 6 او 7 بنات.. ودا اداني احساس بالسعادة ان الناس بخير..وان بناتنا لسه فيهم نوعيات " غير"..
ايه أكتر حاجة كرهتها ؟
للأسف كتير .. أول حاجة حسيت إن البعض بيعتبر إني كوني مدون دي ميزة في حد ذاتها واننا كدا مجموعة محصلتش واننا لازم نقف جنب بعض باعتبارنا مدونين واحسن من غيرنا..بيتهيالي التدوين وسيلة لتوصيل الآراء ممكن اي حد كويس او وحش يكتب اللي هو عايزه وكوني مدون دا مش هوية او مهنة او وظيفة..هو مجرد جزء من حياتي جنب اجزاء كتير..وكمان..في الاول لما كنت بكتب لقيت ان اكتر تعليقات كانت على اول تاج..كنت هطق..يعني اللي انا بكتبه بدماغي ملهوش لازمة..ولما ارغي مع نفسي يبقى شيء جميل والناس تقرا وتعلق؟؟..اخيرا بتغاظ لما حد يخش يقولي خش علق عندي..ويا سلام كمان لو كان مقراش البوست اللي انا كاتبه اصلا..
ممكن تدي مثال عن اللي بتحلم تلاقيه ؟
همممم .. مبحلمش بحاجة في عالم التدوين بصراحة..انا راضي عن اني بكتب وراضي عن نسبة القراء وان كنت اتمنى طبعا تزيد .. وسعيد بالمدونات اللي بزورها..لكن احب ازود انتاجي شوية :)
حاسس ان التدوين له تأثير ؟
أكيد ع الاقل حتى اتشارك الاراء او اسجل افكاري عشان متضعش وسعيد جدا بتأثير البلوج عليا حتى كمان بلوجي التاني اللي بعتبره تسجيل لكل فكرة بتعدي على دماغي مهما كانت تافهة وانا فعلا كنت محتاج دا لغزارة الانتاج العقلي بالافكار العبيطة..
طيب كلمة أخيرة ؟
أحب أشيد في الآخر بمدونات ..ودا من غير مجاملة لأن دي أمانة ولازم أكون صادق فيها.. غير طبعا مدونة أدهم و أحمد اللي قلت عليهم فوق واللينك ع الشمال.. أنصح بزيارة مدونة سنووايت الرائعة..سفينة..كاتشاب " دماغ ".. غادة ورفيدة مدونتهم بسيطة وواضحة.. نعكشة "بحس إني بتنعكش لما بخشها"..وحديثا بقيت متابع لمدونة آه وكفى لنورة الخشن .. واللينكات كلها ع اليمين :)
أوجه التاج .. لأدهم "من أدهم عن كل شيء"
أسامة أمين " شمو نشادر"
" سنووايت "
"غادة ورفيدة"
"نعكشة "
خالي نبيل " حكاوي القهاوي "
تحديث:
أو إعلان :)
صديقي العزيز أحمد جردوح أنشأ مدونة " إيجابي" وانا ليا الشرف إني أشترك فيها..إلى جانب مدونين وأصدقاء..
الدعوة مفتوحة للمشاركة بالموضوعات والتدوينات الايجابية..
واكيد للقراءة والتعليقات والآراء..
لو حبيت تشاركنا
toa7med@yahoo.com
leopordo86@yahoo.com
أي واحد فينا هيكون تحت أمرك إن شاء الله .. ميغسي بوكو :)
هناك ١٨ تعليقًا:
صديقى ميرو
إجاباتك مقنعة جدا ، ومركزة جدا برضه ، كل الأسئلة دى كانت فى دماغى وكنت عايز أعرف إجاباتها منك ومن غيرك من المدونين ، ربنا يوفقك فى التدوين كمان وكمان ، ويجعل كل حاجة بتدونها فى ميزان حسناتك، اللهم آمين .
بحب مدونتك جدا وبعتبرها من المدونات المميزة جدا .
دمت فى إبداع وتميز
صديقك
انت كتبت أهم إجابة كنت عايز أكتبها!!
هحاول أكتب أنا كمان..
بس انت يا ولد مخك كبير قوي .. :) ما شاء الله
بجد ومن غير مجاملة
انا من أول الموضوعات اللي قريتها في مدونتك "اعتقد كان عن الأنا" وانا حسيت ان مدونة فيها فكر , مش مجرد حد بيكتب وخلاص ومش غريبة اني اعرف انك وأحمد "بلدك يا رأفت" أصدقاء لأن العقليتين متقاربتين وان كان فيه اختلاف اكيد ولكل منكم شخصيته المستقلة المميزة.
وفرصة اني اشكر صديقك ادهم انه اقنعك بالدخول لعالم المدونات , لان زي ما قلت فيه مدونين كتير لكن المهم بيقدموا ايه وبينشروا اي أفكار؟!
تقريبا الحاجات اللي بيتستفزك بتستفزني وخاصة ان حد يدخل يكتب تعليق وهو ما قرأش الموضوع وبيبقي باين جدا في التعليق اللي هو اثبات حضور , بس ساعات بازعل من نفسي وأقول يمكن الموضوع مكتوب بطريقة مش جذابة او ممل او طويل أو... أو...
أنا بأتمني ان عدد قراء مدونتك يزيدوا وان انتاجك يزيد لانه انتاج فكري متميز اعتقد أي حد هيقرأه هيستفيد بطريقة او باخري
شكرا لذكري في الموضوع دا شرف كبير لمدونتي وشكرا كمان مرة لاهدائي التاج وان شاء الله اجاوبه في اقرب وقت.
ربنا يبارك فيك وتكون نور في هذا العالم
تحياتي
جميلة الاسئلة واجابتك كمان احلى حاجة فيها انها صريحة
بالتوفيق دائما
السلام عليكم و رحمة الله و بركاته .
اجابات مميزة فعلا ... وهو ده المتوقع منك صراحة .
تعرف هى دى الفكرة اللى كونتها عنك فعلا من غير تاج .
عجبنى جدا ردك على ايه اكتر حاجة كرهتها ؟؟ ... رد جميل و اتوقع ان دى اهم اجابة كان ادهم عايز انك تقولها ..و الله اعلم !!!!
كمان تاْثير المدونات عليك ؟؟ .... اذا كنت انا اللى ما ليش فى التدوين استفدت كتييييير من المدونات ( افكار قيمة .... خبرات .... اراء ) سواء من الاصغر منى او الاكبر , فما بالك انتم اصحاب هذه الافكار و الخبرات .
اخيرا اشيد اعجابى بمدونتك المتميزة سواء هذه او الاخرى التى تطلق عليها ( مدونة غزارة الانتاج العقلى بالافكار العبيطة )مع انى مش شايفة ده اطلاقا < وجهات نظر !! >
ارق تحياتى ليك ..... سلام
د/ داليا
اجاباتك جميله يا ميرو ..
و الف شكر ع التاج ..
تحياتى ..
أسامة أمين
عبد الرحمن..
أشكرك عزيزي على هذا الاطراء..
وياريت كمان تتقبل تمريري التاج ليك وتحله عندك عشان احنا مان نعرف اجاباتك ..
اشوفك على خير ان شاء الله ..
================
أدهم..
آه والله دماغي كبير بس مفعوص جوه الجمجمة مش عارف يطلع اللي جواه..
قريت ورديت اخيرا يا جدع ههههههههه
اشوفك في الاوضة :)
===================
سنووايت
الله يخليكي ويكرمك ع الكلام الجميل دا.. ويشرفني انك متواجدة في بلوجي..
والحمد لله ناي محاط باصدقاء زي احمد وادهم اخويا وصديقي في نفس الوقت..
وعلى فكرة موضوع التعليقات دا انا فعلا لاحظته في بلوجك بالذات لفت نظري عندك ..ربنا ييسر..
دي شهادة اعتز بيها
بس ذكري لمدونتك دا لانها فعلا مدونة "متميزة" وانا بس بقول الحق ..
يارب منوراني على طول..
=================
نونو
آمين يارب بنا وبكم
اتمنى متكونش زيارتك الاخيرة
شكرا لمرورك وتعليقك اختي..
================
==============
موناليزا..
الله يخليكي ..بس هيا صريحة لانها تعتبر امانة فلازم اكون صريح فيها :)
شكرا لمرورك وتعليقك..
======================
د/ داليا..
فعلا دا اللي كان ادهم عايز يقوله :)
ومدونتي التانية متميزة ؟؟
هيا فعلا متميزة بس بحاجات تانية هههههههه
وانتي واحمد وادهم وانا الوحيدين اللي بتقراها..ومش هنسالكم الجمايل دي هههههههه
نورتيني :) :)
============================
أسامة أمين..
اي خدمة بس حله بقى :) :) :)
منورني عزيزي..
انا فاكرة اني جيت هنا قبل كدة
وانا جاية تاني بقة جاية ابص علي الرد علي التعليق اللي كنت سايباة
اكتشفت اني مسبتش حاجة :D
هههههههههه
زكاء اجتماعي
ماشاء الله
بتغاظ لما بحس انه اوسع من اني اوصل لاخره..
اتفق
وبجد *فوجئت* إن ما شاء الله فعلا مصر جابت
مممممممممممممممممم ، دة الفكر السائد عند معظم الناس البنات او الستات مبيفهموش :D مش عارفة لية؟؟
اخيرا بتغاظ لما حد يخش يقولي خش علق عندي..ويا سلام كمان لو كان مقراش البوست اللي انا كاتبه اصلا..
ممكن تدي مثال عن اللي بتحلم تلاقيه
:D
نسيت اللي بيقولوا اول تعليق و و سنعود
بس مش عارفة لية مبيجوش تاني
تكونش البتاعة معجبتهومش؟؟؟
طيب يقولوا مش عاجبانا
حتى الواحد يعرف ان فية ناس معترضة علي الاسلوب دة
و إلا هيتغر و يفتكر ان كل اللي بيكتبة شهد و بلسم
...............
أحب أشيد في الآخر بمدونات
بتفكرني بخطاب الرؤساء هههه
دمت سالم
تسلم علي التاج و إن شاء الله نجاوب عليه في القريب البعيد بس مش دلوكتي عشان لسة عاملة واجب
سلامٌ عليك
ايه التاج الجميل ده
تاج جديد مش تقليدى
اتمنى تيجى تشوف تاجى
عجبتنى اوى لما قلت ان كونك مدون دى مش مهنه ولا وظيفه ولا هويه ده جزء من حياتك وان اى حد حلو ووحش ممكن يدون وانا معاك التدوين جزء بنعبر فيه عن نفسنا واحنا شايفين الدنيا ازاى ومنقدرش نحكم مين حلو ومين وحش بس الاكيد ان التدوين فادنا كتير
اسم البلوج تحفه
من اجل البشريه المعذبه
عاجبنى اوى
اكتر حاجة عجباانى
فى شخصيتك
انك لاتسلم بالمسلمات
او بمعنى اخر مفيش حاجة عندك اسمها مسلمات
تفكيرك ذاتى بحت
مبتهتمش بالضوء اوى
حد مختلف بجد
تحياتى لييك
_________________________---
دخلت مدونة ايجابى ومدونة بلدك يارافت
اللى حاولت مرات ومرات اعلق فيها بس الظاهر فية مشكلة
مش عارفة اسيبلوا تعليق بليز بلغة
انى بحيية جدا على فكرة المدونة(ايجابى)
وان شاء الله نكون معاكوا..
بييس
السلام عليكم
اجاباتك علي التاج جميلة جداا
و بتظهر شخصيتك طبعا
و الواضح منها انك انسان عاقل جداا و صريح
و منتظرين طبعا تحقق حلمك و تزووود انتاجك شوية :D
نعكشة
هههههههههههههه
بصراحة فوجئت فعلا لأن زي ما قلتي السائد إن البنات ....
ما علينا الحمد لله إن الانطباع اتغير..
خطاب الرؤساء ؟؟ ههههه
انا برضه حسيت انها رسمية اوي بس مجاش على بالي التعبير ههههه
نورتيني :)
=======================
بنت مصرية
الله يخليكي ..
منوراني على طول :)
=======================
على اسم مصر..
على ما أعتقد زيارة أولى وأتمنى متبقاش الأخيرة..
جميل إن اسم البلوج يعجبك ..دي أول مرة بصراحة حد يعلق ع الاسم :) :)
نورتيني
========================
دعاء مواجهات..
هههههه
الله يخليكي احرجتيني..
وتحياتك وصلت لصديقي أحمد ..
اشكرك على مرورك هنا وفي البلوج التاني مع اني مستغرب انه عجبك..
=====================
بونجو..
زيارة أولى بيتهيالي ؟؟
ياريت تنوريني على طول ..
واشكرك على تعليقك اللطيف دا..
وربنا يسهل وازود الانتاج بعد الامتحانات
نورتيني :)
=======================
طبعا بنات مصر بيفهموا بس بصراحة مش كلهم.انا زيك باتغاظ من اللى يقول تعالى زورنى وهو مش بيقرا مواضيعى.اجاباتك حلوة يا ميرو زى كل كلامك طبعا
انجي
هههههههههه الله يخليكي
فعلا حاجة تغيظ بتوع تعالى علق عندي..
وبعدين منكم نستفيد ..أصحاب علم النفس ..
...................
إرسال تعليق